رَسانک نیوز
سئے شَمبِهئے رۆچا ۳ مهر ۱۴۰۳، مئولوی اَبدُل همید و مکی مسیتئے کارندهانی پشار دئیگ انگا هست و دو مردم چه مئولوی اَبدُل همیدئے بُنپانیان دُزآپئے اداره اتلاهاتا لۆٹاێنگ و چُنت ساهتا جُست و پرس کنگ بوتگ‌اَنت.
اے لۆٹاێنگ بوتگێن جهمنندانی پجّار (مهمود شه بکش)، نهمت الله چُکّ و (یاسر شه بکش)، ناسرئے چُکّ و هر دوێن دُزآپئے نندۆک گوَشگ بوتگ‌اَنت.
گوشگی اِنت که سئے شمبهئے رۆچا مهمود و یاسر دُزآپئے اداره اتلاهاتا لۆٹاێنگ بوتگ و چُنت ساهتا جُست و پرس کنگ بوتگ‌اَنت و جُست کنۆکان مئولوی اَبدُل همیدئے اے دگه نزّیکێن مردمانی جُست هم کرتگ‌اَنت.
گوشگ ببیت که پێسرا هم (اهمد شه بکش)، مئولوی اَبدُل همیدئے بُنپانی کنۆکانی سرمستر یکشَمبِهئے رۆچا ۱۴ مرداد ۱۴۰۳، دُزآپئے اداره اتلاهاتئے کارندهانی دستا لۆٹاێنگ و جُست و پرس کنگ بوتگ و تهدید کنگ بوتگ که چه وتی کارا دست بکَشّیت.
Be the first to comment