رَسانک نیوز

شَمبِهئے رۆچا ۳۱ شهریور ۱۴۰۳، یک بلۆچ جهمنندے که ترّگئے واستا چهبارئے زرا شُتگ بوتگ، دریائے تها بُکّتگ و آییئے لاش گار بوتگ و سیادانی پد چه دو ساهتئے پَٹّ و پاسا درگێجگ بوتگ.

اے بُکّتگێن بلۆچئے پجّار (اِسمتُلّاه دهمرده)، ۲۸ سالگ، ساله مهمدئے چُکّ و سور نکُرتگێن و پهرهئے نندۆک گوَشگ بوتگ.

گێشێن هالانی رِدا، کساس زُهرئے ساهت دوا، اے جهمنند گۆن وتی سنگت و لۆگئے مردمان چهبارئے زرا په اۆژناگئے واستا شتگ‌اَنت که چئولانی تها گیری کُرتگ و دریائے چێرا شُتگ و آییئے لاش گار بوتگ و هلکی سیادان پٹ و پۆلئے گۆمد کساس پد چه دو ساهتا درگێجگ و زرئے کِرّا برگ بوتگ.