رَسانک نیوز
دوشمبهئے رۆچا ۲۶ شهریور ۱۴۰۳، (اَلی رزا رئیسی)، یکّے چه چهبارئے زهرشانی کنۆکێن آوار جتگێن مردمان وتی لۆگئے نزّیکا راسکئے هئیابانا سلاهبندێن مردمانی تیرانی آماچ بوتگ و ٹپّیگ بوتگ.
گێشێن هالانی رِدا، اَلی رزا کساس ساهت نُها (۹) لۆگئے رئوگئے وهدا وتی لۆگئے نزّیکا موتور سئوارێن سلاهبندێن مردمان که کمری کُلتِش گۆن بوتگ آیانی تیرانی آماچ بوتگ و گۆن یک تیریئے لگّگا پادئے نێمگا ٹپّیگ بوتگ.
گوشگ بیت اَلی رزایا گۆن کس درگیری و جێڑهے نبوتگ و گوستگێن شپا اَچانَکی دو سلاهبندێن مردم که دێمِش چێر داتگ بوتگ تیرانی آماچِش کُرتگ.
اَلی رزا آزاد وانگجاهئے نۆدربرے بوتگ که آموزش ابتدایی وانگا بوتگ، ۱۴۰۱ئے آزرئے ۴می رۆچا، زهرشانیانی نیاما اتلاهاتئے نیروانی دستا آوار جنگ و دُزآپئے اداره اتلاهاتا برگ بوتگ و آیی جسمی و روهی شکنجه دئیگ بوتگ و پد چه ۶۵ رۆچا چه اداره اتلاهاتئے بندا دُزآپئے بندیگئے ۹می بندا برگ بوتگ. آییئے گۆن اے جُرمان (تبلیغ علیه نظام)، (برام زدن نظام عمومی)، اجتماع و تبانی علیه امنیت ملی) پد چه سئے ماها گۆن سندئے گۆما چه دُزآپئے بندیگا آزات کنگ بوتگ.
Be the first to comment