رَسانک نیوز

چه هال وشئے هبران، سئے شمبهئے بانگواها ۲۷ شهریور ۱۴۰۳، یک بلۆچ زندانیئے هُکم که یکشمبهئے رۆچا ۲۵ شهریور بندراَباسئے تنکێن بندیگا برگ بوتگ، اجرا کنگ بوتگ.

اے بلۆچ بنڈیگئے پجّار (همیدرزا هسن زهی سانی)، ۶۰ سالگ، مهمدئے چُکّ، سور کُرتگێن، ۸ چُکّئے پت و دُزآپئے نندۆک گوَشگ بوتگ.

گێشێن هالانی رِدا، همید رزا ۱۴۰۰ئے سالا، مئوادئے جُرما رۆدانئے شهرا بلۆچستانئے گیاوان زمینئے هلکا آوار جنگ و چه اے شهرئے انگلابئے آمیدگسا اێدامئے هُکما مهکوم کنگ بوتگ که کساس یک هپتگ پێش بندراَباسئے بندیگا برگ بوتگ.

گوشگ ببیت که اے بندیگا وتی آهری گِندگ و نند گۆن وتی هلکئے مردمان دوشمبهئے رۆچا ۲۶ شهریورا بندیگئے تها کُرتگ.

گوشگ ببیت که ۲۰۲۳ ئے سالا کم چه کم ۱۸۴ بندیگیێن بلۆچ گۆن وڑ وڑێن جُرمان اێرانئے ۲۶ دگه دگه جاهێن شهران که دُزآپ گۆن ۵۴ کس و بیرجند گۆن ۳۱ کس گێشترێن ابێد انسانی هُکما اێدامئے هُکما مهکوم کنگ و اێدام کنگ بوتگ‌اَنت که اِشانی تها کساس چار جنێن هم هست.