دوشمبهئے رۆچا ۱۹ شهریور ۱۴۰۳، سلاهبندێن دُزّان واشئے دمگا یک مێتگێا، ماشێن سرا یک ترۆکێن پرش بها کنۆکئے ڈُنگ دُمبا کپتگ و آییئے نێمگا تیرگواری کُرتگ که رانندها تیر وارتگ و ٹپّیگ بوتگ.
اے ٹپّیگ بوتگێن مردم که گوشگ بوتگ شهرستانی مردم انت اے گۆن سایپاێا پرشئے کرتگ تان انگت هچ هالے نێست.
همے هالانی رِدا، دوشمبهئے زُهرا پێسر سلاهبندێن دُزّان واشا کمال آبادئے هلکا اے ماشین و پرشئے بها کنۆک دُمبا داتگ و گۆن آییئے نێمگئے تیرگواریا سئوب بوتگاَنت که آییئے ماشین ناسری و کلکلی هلکئے دو راهیا چه راه در بیئیت.
گوشگ بیت که ماشینئے راننده چه سرئے نێمگا تیرانی آماچ بوتگ و آییئے هال سکّ هراب اِنت که مردمانی دستا واشا همئینیئے نادراهجاها برگ بوتگ.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگاَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هستاِنت.
اولین نفری باشید که دیدگاه مینویسد