رَسانک نیوز

دوشمبهئے رۆچا ۱۲ شهریور ۱۴۰۳، یک جهمنندێن بلۆچے الگدیرئے هئیابانا مان کرمانا اداره اتلاهاتئے دستا آوار جنَگ و نامالومێن جاهے برگ بوتگ.

اے جهمنندێن بلۆچئے پجّار (هئیدر سابکی)، ۳۷ سالگ، کامرانئے چُکّ ماروپ په ابوبکر، سور کُرتگێن و سئے چُکّئے پت پنگئے نندۆک چه زهکلوتئے دمگان گوَشگ بوتگ.

گێشێن هالانی رِدا، دوشمبهئے مگربا، ابوبکر په سیگاریئے زورگا چه لۆگیا که مهمان بوتگ درآتکگ و همے لۆگ کِرّا هئیابان الگدیرا اداره اتلاهاتئے نیروانی دستا بێد چه آمیدگسی هُکم و بێد چه هبریا آوارِش جتگ.

گوشگی اِنت که سئے رۆچ پد چه آییئے آوار جنگا آییئے ماشین الگدیرئے هئیابانا درگێجگ بوتگ و آییئے لۆگئے مردم که دلجم اَنت آوار جنَگ بوتگ په آییئے آوار جنگئے سئوبا اداره اتلاهاتا شتگ‌اَنت بله کَسّے پسئو ندنت.

گوَشگ ببیت که هئیدر سئے ماه پێش هم اداره اتلاهاتئے دستا آوار جنگ بوتگ و پد چه سئے رۆچا گۆن سندئے گۆما آزات کنگ بوتگ.

چه اے جهمنندێن بلۆچئے آوار جنگئے سئوبا و آییئے جاهئے دارگا هچ هالے نێست.