رَسانک نیوز

یکشَمبِهئے رۆچا ۱۸ شهریور ۱۴۰۳، چُنت نزامی بالی گُرابا هۆریگا کسرکند و تلانگئے هلکا دشتیاریئے آسمانا بال کُرتگ و چه کمّێن بُرزییا اے هلکِش چارتگ.

لهتێن چه مڈیان گوَشتگ همے گوَستگێن رۆچ و هپتگانی تها بازێن نزامی ماشین و سامانے بلۆچستانئے زرباری دمگان آرگ بوتگ و هئیال په اِشیا رئوت که اێرانئے جمهوری اسلامیئے رژیم لۆٹیت دشتیاری و کرکندئے دمگان نزامی رزمایش و مانُورے پێش بداریت.

گوَشگ ببیت که شَمبِهئے شپا ۱۷ شهریور ۱۴۰۳،  تلانگئے جهممندێن مردمان چه کسرکندئے دمگام مزنێن تئوار چۆ گمبارگئے تئوار ببیت و پد چه آییا رۆژناێن چیز مان آسمانا دیستگ و تان وهدے چه شپا ادامهی بوتگ.