رَسانک نیوز

پنچشَمبِهئے رۆچا ۱۵ شهریور ۱۴۰۳، یکّے چه پنچ مردمانے که وت مان وتا زابلیئے پُمپئے کِرّا خلیج پارسئے بلوارا درگیر بوتگ‌اَنت، پد چه اِشیا که دئوازده پروردینئے نادراهجاهئے برگا بێران بوتگ.

بێران بوتگێنے پجّار (مهمود مهمودی)، مکتارئے چُکّ و رێگ زردونئے هلکا کهنۆچئے شهرا گوشگ بوتگ و چه اے دگه ٹپّیگ بوتگێنانی پجّارا هچ هالے نێست.

اے وئیل کساس ساهت یازده و نێما دو گروپئے نیاما کهنۆچا خلیج پارسئے بلوارا پێش آتکگ که پنچ کس چه پاد و دست و گردن و گوشئے نێمگا ٹپّیگ بوتگ‌اَنت.

گوَشگ بیت که اے درگیری گۆن کلاشینکپ و شکاری بوتگ و چه آییئے سئوبا هچ هالے نێست.

گوشگ ببیت که اُمید رزایی، کهنۆجئے انگلابئے آمیدگسئے دادستان، اے درگیریئے سئوب کئومی جێڑه گوَشتگ بله گندۆکێن مردمان گوَشتگ که انتزامی نیرو و امداد یگان دگیریئے کَش و کِرّا بوتگ‌اَنت و هچ وڑێن کارے په درگیریئے هلاس کنگئے واستا نکُرتگِش.