اَبدُل ستّار دوشوکی (مرکز مطالعات بلوچستان ـ لندن)

بلۆچ نامدارێن سیاستدان و بلۆچستان نشنل پارٹی (منگل)ئے سرۆک و سردار اَتا اُلّاه مێنگلئے چُکّ، اکتر مێنگلا پاکستانئے وپاکی اسمبلیا چه دَزبرداری کُرتگ. آییا وتی دَزبرداریئے سئوب پاکستانئے هکومت داریئے جتاجتاێن ادارهانی (چه پارلمنٹا بگر تان پئوج، سرکار، آمیدگس، رسانک و اے دگه) که وتی گۆشِش کرّ کرتگ‌اَنت و آ بلۆچستانئے مهلوکئے تئوارئے اشکنگا تئیار نه‌اَنت.

آییا گوَشتگ: په آییا اے گپّ پدر بوتگ که آ کۆرێن مردمانی شهرا آدێنک بها کنگا اِنت و پاکستانئے پارلمٹئے نندگئے بدلا اگن آیی پکۆرهی دُکّانے پَچ بکنت گُڑا گێشتر سۆبمند بیت.

آییا گۆن اردو زبانئے بی بی سی تران کنان گوَشتگ‌: مئے لۆٹ اِنت که بلۆچستانا گۆن یک پئیمێن هکّانی واهُندێن ریاستئے رنگا چارگ ببیت. بله راجدپترا اے گپّ سابت کُرتگ که مارا (بلۆچستان) چۆ کالونئے (مستعمره) رَنگا چارگ بیت، پاکستانئے سرکار اێوکا بلۆچستانئے کان (معدن) و طبیعی مڈی (منابع طبیعی) و ساهل و پۆشتگێن مال و مڈیا لۆٹیت، پمێشکا آ بلۆچ راجا (ناگدگی[مزاحم]) لێکیت و چه درستان بدتر آیان کُشیت.

پاکستان و بلۆچستانئے سیاستئے پڑا اے دَزبرداری و آییئے دَزبرداری سئوب سکّ باز اهمیتی هست. پرچا که اکتر مێنگل چه آ بلۆچ نئیشنلیسٹ سیاستدانان یکّے بوتگ که آییا پاکستانئے پریم ورکا (چارچوب) کار کُرتگ. بله انّون گوَشیت که پاکستانئے کانودانی تها بلۆچستان وتی هَکّان رَست نکنت. آییا گوَشتگ‌ که چه پاکستانئے سیاسی کار گۆن پاکستانئے هکومتئے پریم ورکئے کانودانی گۆما دلپرۆش اِنت، اے آ گپّ اِنت که بلۆچ آزاتیئے گلان (گروه) دێر اِنت گوَشگا اَنت. اے دَزبرداری و سئوب و دلیلانی گوَشگئے آسر بنت که آیانی ودار و چارگ اَلّمی اِنت.