رَسانک نیوز

جمهئے شپا ۹ شهریور ۱۴۰۳، یک گپتگێن ویدئوے چه چێر داتگێن دوربینا یک سوپر مارکیٹیا، دُکانئے چیزّانی دُزّگ و دُکانئے واهندئے جنگا دُزّان دستا پێش داریت.

همے هالانی رِدا، سئے دُزّ کساس شپئے ساهت نُها، سۆرانئے هلکا سێب و سۆرانئے دمگان یک دُکانیا پُترنت و دُکانئے واهُند جننت و دُکّانئے چیزّان دُزّنت و برنت.

گوشگ ببیت که دُزّی و ناامنی بلۆچستانئے جاه جاهان چُش گێش بوتگ که رند چه دُزآپئے هۆنێن جُمَهئے مُچّی کُشگا و مردمانی زهرشانیان رَند، هزاران امنیتی و نزامی نیرو، نزامی ماشین و میلیاردان پول اے امنیتی و نزامی نیروانی واستا په بلۆچانی جنَگئے واستا هاس کنگ بوتگ.