رَسانک نیوز

مرؤچی یکشمبهئے رۆچا ۱۱ شهریور ۱۴۰۳، دو بلۆچ که سیرجان و بندراَباسئے راها بوتگ‌اَنت پارس و هُرمزگانئے اُستانئے نزامی نیروانی دستا آوار جنَگ بوتگ‌اَنت و گۆن شش ماهئے گوَزگا گێش، هچ هالے تنێوهدے چه بندیگ بئیگا نێست.

اے دوێن جهمنندێن بلۆچانی پجّار (ابوبکر شه بکش)، ۳۳ سالگ، شمشێرئے چُکّ، سور کُرتگێن و دو چُکّئے پت و (یدُلّاه [اُبئدلّاه] شه بکش)، ۲۶ سالگ، پئیزمهمدئے چُکّ و شوروئے نندۆک چه دُزآپئے دمگان گوَشگ بوتگ‌اَنت.

گێشێن هالانی رِدا، ۱۴۰۲ئے بهمنئے ماها، اَبدُلّاه و ابوبکر سیرجان و بنداَباسئے راها ابێد چه آمیدگسی هُکما پارس و هُرمزگانئے اُستانی نزامی نیروانی دستا آوار جنَگ و شیرازا برگ بوتگ‌اَنت و چه آ وهدا تان انّون هچ هالے چه آیان نێست و بے هبریئے تها اَنت.

چه اے دوێن جهمنندانی جُرمئے هالا تان انّون هچ هالے نێست.