رَسانک نیوز

چارشمبهئے رۆچا ۷ شهریور ۱۴۰۳، بلوچ چه شناسنامهئے نبئیگا مهریزئے ایست بازرسیا یزد شهرئے چێرمانیا نزامی نیروان ابێد چه آمیدگسی هُکما آوار جنَگ و ڈنّی ملکی مردمانی اردوگاها برگ بوتگ.

اے بلۆچئے پجّار (یونس ائیدوزهی)، ۲۷ سالگ، مهمدئے چُکّ و دُزآپئے نندۆک گوَشگ بوتگ.

گێشێن هالانی رِدا، یونسا چه ڈنّی اردوگاها یک ویدئوے گپتگ و جاری جتگ که همے زوتیان چه ایرانئے سیمسرا اپگانستانا راه دئیگ بیت و اے چُش اِنت که اِشی یکّے چه بے شناسنامه‌ێن جهمنندێن بلۆچان اِنت.

گوَشگی اِنت که بازێنے چه بلۆچێن بے شناسنامه‌ێن جهمنندان گۆن اے نیمّۆنا که ڈنّی مردم اَنت هر سال چه نزامی و انتزامی نیروانی دستا آوار جنَگ و سیمسرا رد کنگ بنت و بازێنے چه آیان په واتر کنگ و وتی لۆگئے مردمانی کِرّا آیگئے واستا سکّ مشکلے تها بنت و برے چۆ بوتگ که سیمسرئے گوَزگئے وهدا اێرانئے جمهوری اسلامیئے رژیمئے نیروانی راشتێن تیرانی آماچ بنت و کُشگ بنت.