رَسانک نیوز

سئے شمبهئے رۆچا ۶ شهریور ۱۴۰۳، یک جهمنندێن بلۆچے دُزآپا مدنیئے هئیابانا دُزآپئے کلانتری ۱۶ئے نیروانی دستا آزار دئیگ بوتگ و ابێد چه هچ سئوبیا هئیابانئے سرا پٹّ و پاس و بازجویی کنگ بوتگ.

اے جهمنندئے گوشگانی گۆما، آیی په وتی زاتی کاریئے واستا دُزآپا هئیابانئے سرا رئوگا بوتگ که انتزامی نیروان آیی اۆشتارێنتگ و چه آییا زاتی سئوالِش جُست کُرتگ.

اے جهمنندا گوَشتگ چه من اے سئوال که کُجئے مردم و چه کجا کئومئے مردمان ائے؟ و چه من پجّاری کاٹِش لۆٹتگ و لهتێن سئوالِش جُست کرتگ که گوَشئیگا یک مُجرمیا جُست کنگا ببنت.

گوَشگ ببیت که نزامی و امنیتی نیروان هاس دُزآپئے کلانتری ۱۶ئے نیروان ابێد چه هچ سئوبیا جهمنندێن بلۆچان آزارێننت و شهرئے تها اۆشتارێننت و بازجویی و چه آیانی زاتی جُست چۆ چه کجام کئوما ائے و ….. کننت.