رسانک نیوز

مرؤچی ۶ شهریور ۱۴۰۳، رۆکپتی بلۆچستانئے دمگ سربازئے جھمنندێن بلۆچی زبانئے مزن نامێن لبزانکار آبد آسکانی کراچیا “آگاهان” نادراهجاها  بێران بوتگ.

آبد آسکانی نۆزدہ و پنجاہ و سَئێا ودی بوتگ و دوھزار و بیست و چارا کراچیا آگاهان نادراهجاها سرئے تومُرئے نادراھیا بێران بوتگ.

آبد آسکانی بلۆچی زبانا ابێد آییا پارسی زبانا ھم ندکاری کرتگ و آ بلۆچیا گێشتر تنز لچھی و بچکندا پجارگ بیت. چُنت وهد پێسر آییئے دو کتاب کلیاتئے ناما چاپ بوتگ‌اَنت و چه اشان ابێد آییا دگه کتاب ھم بلۆچی زبانا چاپ و شنگ بوتگ‌اَنت.

آبد آسکانیئے بازێن کچێا کتاب چاپ بوتگ انت که لھتێن کتابانی نام تنز لچھانی کتاب، چشێن شوم و شانزدہ، چشێن نێک و نێگبھت، بے لِٹکێن بُراک، تنز لچّهانی کُلیات، دستۆنکانی کتاب، مسکێن مئیدان، سریمگێن بازار، دستۆنکانی کُلیات، دادشاہ، کێچئے چنال، پکیرئے کچکۆل، بلۆچ بلۆچی و بلۆچستان، ماهئے اێرگوری و گُل سسا و دگه باز کتاب چاب بوتگ اَنت.

آییئے نزیکێن مردم گوَشتنا، آ بازێن وھدے بوتگ که نادراہ بوتگ و مرۆچی آییا اے کوڑھێن امروز یل دات و وتی ابدی جاها شت. مرۆچی بلۆچی لبزانکئے لچه وتنزئے  پِڑ سک گمیگ دلپدرد اِنت که اے پڑا آییئے جاہ ھۆرک انت.