جُمَهئے شپا ۲ شهریور ۱۴۰۳، نامالومێن مردم که یک پژوێن ماشینیئے نندۆک بوتگ‌اَنت، یک نۆک‌ورناێن بلۆچے وتی لۆگئے دپا آوارِش جتگ که گۆن سئے رۆچئے گوَزگا هچ هالے چه آییا نێست.

اے آوار جتگێن نۆک‌ورنائے پجّار (سلاهُل دین بامری)، ماروپ په مهمد سلاه، ۱۳ سالگ، جئوادئے چُکّ و دلگانئے نندۆک گوَشگ بوتگ.

گوشگ بیت که جمهئے شپا کساس ساهت نُها، یک پژوێن ماشینیئے نندۆک اے نۆک‌ورنائے لۆگئے دپا که دلگانا امام رزائے نادراهجاها اِنت په اے نیمّۆنا که آیانی ماشین هراب و گرمی کُرتگ چه آییا آپِش لۆٹتگ و سلاها درپے آپ کُرتگ و آیانی ماشینئے کِرّا شُتگ بله آیان سلاه گۆن زۆرئے گۆما ماشینا سئوار کُرتگ و بُرتگِش.

گوشگی اِنت که اے نۆک‌ورنائے لۆگئے مردمان گۆن هچ کسا هچ وڑێن جێڑهے نبوتگ گۆن اے هالا که آییئے پت کشاورزے، آییئے دُزگئے هال بس په زرّئے واستا بوت کنت.

چه دُزّۆکانی پجار و دُزّیئے سئوبا تان انّون هچ هالے نێست.