رَسانک نیوز

جُمَهئے رۆچا ۲ شهریور ۱۴۰۳، سرباز و پهرهئے راها یک سواری ماشینے چپّ بوتگ و آس گپتگ، هما درگتا راننده هم بێران بوتگ.

بێران بوتگێن ٹێلکشّئے پجّار (اَبدُلّاه هوتی)، کساس ۳۵ سال انتی، سور کُرتگێن و چُنت چُکّئے پت و مندئے هلکئے نندۆک جلگهئے دمگان و دلگان شهرا گوَشگ بوتگ.

گێشێن هالانی ردا، اے وئیل کساس ساهت یکّا، سربازئے دمگان پێش آتکگ که اَبدلّاهئے ماشین چه راها درآتکگ و جادهئے کِرّا شێپئے تها کپتگ که گۆن اے وئیلا آییئے ماشین آس گپتگ و ماشینئے راننده بازێن ٹپّانی سئوبا چه ماشینا درآتک نکُرتگ و آسئے تها ساهی داتگ.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.