رَسانک نیوز

سئے شمبه ۳۰ مرداد ۱۴۰۳، بلۆچ جنێنے که زهرشانیانی گوستگێن سالا مان بلۆچستان بوتگ‌‌انت که چهبارئے انتزامی پرماندهئے سرا بوتگ ‌انت که آییا پانزده سالگێن جنگێئے سرا دستدراجی کرتگ بانک استادی اے زهرشانیا آوار بوتگ، و په هما درگتا سرکارئے دستا آوار جنگ بوتگ و رَند چه مدتی آزات کنگ بوتگ، رند چه یک سالیا دُزآپئے نوری یکۆاهی آمیدگسا، انگلابئے دومی آمیدگسا سالے زندان په آییا هُکم بُرگ بوتگ.

اے جنێن بلۆچئے پجّار (الهام استادی)، ۳۰ سال انتی، مهمدئے چُکّ و پهرهئے نندۆک گوَشگ بوتگ.

گێشێن هالانی رِدا، الهام ۱۴۰۲ئے مردادئے ۱۳می رۆچا و بلۆچستانئے مردمی نرمێن زهرشانیان اگن که هئیابانا نبوتگ، بله پانزده سالگێن جنکئے دست دراجیئے واستا وتی اینستاگراما هبری شِنگ کُرتگ گۆن اے جُرما که (نزامئے هلاپئے واستا هبر شِنگ کُرتگ) یک سالیئے واستا بندیگئے هُکم دئیگ بوتگ.

اے جهمنندێن بلۆچ که ابێد چه آمیدگسی هُکمئے پێش دارگا چهبارا گۆن هژم امنیتی نیروانی دستا آوار جنَگ بوتگ، دو رۆچ رند چه آوار جنَگا دُزآپئے مرکزی بندیگا برگ بوتگ و ۱۰ رۆچئے اێوکێن بندیگا برگ بوتگ.

گوَشگ بیت که آهرا شهریورئے ۱۱می رۆچا و رَند چه دوازده رۆچا، گۆن دوسد میلیونی سندا آزات بوتگ.

گوشگی اِنت که پێسر چه هُکمئے دئیگا انگلیسی زُبانئے زاتی کلاسانی تها وانێنگا بوتگ، دگه پروندهیئے تها (تشویش اذهان عمومی)ئے جرما، نگدی جریمه بوتگ.