رَسانک نیوز

سئے شمبهئے رۆچا ۲۳ مرداد ۱۴۰۳، زرباری دمگان اسلام آبادئے هلکا رۆدبار زمینا ٹێلکشّێن ماشینیئے ٹئیرانی ترکّگا چپّ بوتگ و آس گپتگ که ٹێلکشّێن بلۆچے آسئے تها وتی ساهی چه دستا داتگ.

اے ٹێلکشّێن بلۆچئے پجّار (ناسر شکری)، ۵۶ سال انتی، کندلئے چُکّ و سئے چُکّئے پت، اسلام آبادئے هلکئے نندۆک چه زرباری رۆدربارئے مردمان گوَشگ بوتگ.

همے هالئے رِدا، اسلام آبادا، زرباری رۆدبارا کساس ساهت نُها ناسرئے ٹئیرئے ماشین رانندگیئے تها ترکّتگ و سئوب بوتگ چپّ ببیت و آس بگیپت که آیی آسئے تها وتی ساها چه دستا دنت.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.