رَسانک نیوز

جُمَهئے رۆچا ۲۶ مرداد ۱۴۰۳، سلاهبندێن مردمان پهره و سربازئے نزک پهرها، ٹێلکشّێن ماشینے تیرانی آماچ بوتگ که ماشینئے راننده گۆن تیرئے ورگا ٹپّیگ بوتگ.

اے ٹپّیگ بوتگێن ٹێلکشّئے پجّار (شهیاد نارویی)، کلهه گنجئے مردم انت چه بلۆچستانئے رۆدبار زمینئے جهمنند بوتگ.

سر بوتگێن هالانی رِدا، گمان همش اے سلاهبند مردم دُز بوتگ‌انت اے ٹێلکشّێن ماشینئے نێما تیرگواری کُرتگ که چنت دانگ چه تیران ماشینا و مشکا لگِتّگ و یک تیرے رانندهئے دستا لگّتگ بله آییئے چه اۆدا تتکگ.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.