رَسانک نیوز

سئے شمبهئے رۆچا ۲۳ مرداد ۱۴۰۳، دو جهمنندێن بلۆچ چهبار و پهرهئے جادّهئے کِرّا لاشارئے هلکا سلاهبندێن مردمانی تیرانی آماچ بوتگ و گۆن تیرئے لگّگا وتی ساهِش چه دستا داتگ.

اے دوێن جهمنندێن بلۆچانی پجّار (یاکوب درزاده)، هُسئینئے چُکّ، و (ایوب درزاده)، مهمدئے چُکّ هر دوێن چه اوگینگئے هلکئے مردم چه لاشارئے دمگان گوَشگ بوتگ‌اَنت.

همے هالئے رِدا، کساس شپئے ساهت هشتا، سلاهبندێن مردمان چهبار و پهرهئے جادّهئے کِرّا لاشارئے مُلکا و پیپ و جکسئے نیاما، اے دوێن جهمنندِش راستێن تیرگواریانی آماچ کُرتگ و آیان گۆن تیرئے لگّگا وتی ساه چه دستا داتگ.

چه جنۆکانی جنگ و آیانی پجّارا تان انّون هچ هالے نێست.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.