رَسانک نیوز

پنچشَمبِهئے رۆچا ۲۵ مرداد ۱۴۰۳، (اَبدُلسمد آلیزهی)، یکے چه اسپێت ریشێن بلۆچان تیرئے ۲۱می رۆچا په وتی براتئے گِندگا نادراهجاها شُتگ، امنیتی نیروانی دستا آوار جنَگ بوتگ، رند چه 34 رۆچا چه دُزآپئے بندیگا آزات بوتگ.

هاجی (اَبدُلسمد آلیزهی)، هاج اِبدُلگپورئے چُکّ و چه آلیزهیئے کئومئے اسپێت رشان و دُزآپئے نندۆکان اِنت.

گوَشگی اِنت که اَبدُلسمد نادراهجاها شُتگ که وتی براتا بچاریت که آییئے سرا وئیلے آتکگ کساس ساهت دوازدها چه نادراهجاها درآتکگ و گار بوتگ که گۆن آییئے لۆگئے مردمان رَند چه ۱۴ رۆچا زانگ بوتگ که اداره اتلاهتئے دستا آوار جنَگ بوتگ.

گوشگی اِنت که اَبدُلسمد آلیزهی پێسرا امنیتی نیروان پدیئے بوتگ که گۆن اسپێت ریشانی پاد درمیانیا و امنیتی نیروانی پٹ و پاسئے پکا بئیگا پد که هچ وڑێن هاسێن پروندهے نبوتگی وتی هادیێن زندگیا واتری کُرتگ.

گوَشگ ببیت که چه ۱۴۰۱ئے اسپندئے ۱۰می رۆچا یکّے دگه چه اَبدُلسمدئے براتان گۆن (مهمود آلیزهی)ئے پَجّارا هم اداره اتلاهتئے دستا آوار جنَگ و رَند چه سئے ماها گۆن هچ جرمئے سابت بئیگا، آزات کنگ بوتگ.