رَسانک نیوز

چارشمبهئے بانگواها ۲۴ مرداد ۱۴۰۳، بنیاد مسکنئے کارنده و زاتی درێسێن انزامی و امنیتی نیروان منزل آپئے هلک و شهمراد آبادئے هلکا چه دُزآپئے دمگان گۆن دگه چُنت ده نیروئے گۆما اُرش برتگ و کم چه کم سئے لۆگ چه جهمنندێن بلۆچانی لۆگان هراب کُرتگ.

همل هالئے رِدا، کساس بانگواهئے ساهت دوا، کساس بیست نزامی ماشین گۆن ده زاتی نمبرێن و سرکاری ماشین منزلاپ و شهمراد آبادئے هلکا که دُزآپئے ۱۲ کیلومتریئے تها اَنت اُرش برتگ و گۆن مردمانی چه لۆگا درکنگئے گۆما، گۆن لودر و پُتک و کُلنگئے کارمرز کنگئے گۆما کم چه کم سی جهمنندێن بلۆچئے لۆگئے هراب کنگئے بِندات کُرتگ و اے هراب کنگ کساس تان سُهبئے ساهت پنجا ادامهی بوتگ.

هراب کنۆکێن کارِندهان درچکانی سرا هم رهم نکرتگ و یک لۆگیئے واهُند همے درچکانی بُرّگئے سئوبا گۆن سرکاری کارندهانی گۆما هبر جنگی بوتێ که آیی چه نزامی نیروانی نێمگا آوار جنگئے سرا تهدید کنگ بوتگ.

۲۰۲۳ئے میلادی سالا گۆن جم کُرتگێن هالان، امنیتی نهاد و اێرانئے جمهوری اسلامیئے دئولتا، بلۆچ نندێن ملکان کم چه کم ۲۱ جاها، لۆگش هراب کُرتگ و مردمانی زمینش زۆرئے سرا برتگ‌اَنت. گێشترێن زۆرگیری چهبارئے تهد گۆن هشت جاها و دُزآپئے تها گۆن هپت جاها گوَشگ بوتگ.