رَسانک نیوز

سئے شَمبِهئے رۆچا ۲۳ مرداد ۱۴۰۳، اێرانشهرئے تها آزادیئے هئیابانا ۷می تَنْکئے تها یک جهمنندێن بلۆچے، نامالومێن سلاهبنددێن مردمان دستان گۆن سارتێن سلاها جنَگ و وتی ساهی چه دستا داتگ.

اے جهمنندێن بلۆچئے پجّار (مسلم آسال)، ۳۲ سالگ، موسائے چُکّ سیدآبادئے هلکئے مردم کلاتانئے هلکا چه بمپورئے دمگان گوَشگ بوتگ.

همے هالانی رِدا، گوَستگێن زُهرا کساس ساهت دوا، اێرانشهرئے آزادیئے هئیابانا کدیمی راهنمایی و رانندگیئے نزّیکیا چُنت کس چه سلاهبندێن مردمان گۆن سارتێن سلاها مسلمئے سرا اُرش برتگ و آییِش چه سرئے نێمگا جتگ که آیی سکّ ٹپّیگ بوتگ.

همے وئیلئے گۆما و اورژانسئے کاردهانی آیگ و آییئے نادراهجاهئے برگئے گۆما، پزشکی کارندهان آییئے مرگئے سئوب (ڈۆکئے چۆپگئے) اێلام کُرتگ و مسلمئے سر سکّ ٹپّیگ بوتگ.

چه جنۆکانی جنَگئے سئوب و آیانی پَجّارا تان انّون هچ هالے نێست.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.