رَسانک نیوز

سئے شمبهئے بانگواها ۲۳ مرداد ۱۴۰۳، کم چه کم یک بلۆچێن بندیگے که پێسرا مئوادئے سئوبا گۆن در لکیر کمتر اێدامئے هُکما مهکوم کنگ بوتگ و یک شمبهئے رۆچا ۲۱ مرداد، په هُکمئے اجرا کنگئے واستا کرمانئے تنکێن بندا برگ بوتگ، اجرا کنگ بوت.

اے بلۆچێن بندیگئے پجّار (پرجُ الله هاشی[جمالزهی])، ۴۷ سالگ، برکتئے چُکّ، سور کُرتگێن و شش چُکّئے پت و واشئے نندۆک گوَشگ بوتگ.

همے هالانی رِدا، پرج الله ۱۴۰۱ئے سالا، په وتی سرێنئے بیماریئے واستا گۆن وتی دگه یک همراهیا کرمانئے شهرا سپر کرتگ رَند چه آیانی ماشینئے پَٹّ و پاسا، آیانی ماشینئے تها مئواد درآتکگ که آییا چه اے مئوادانی بئیگا نزانگئے جار جتگ.

پرج الاهئے اێدامئے هُکم چۆ بوتگ که آییئے اێدامئے هُکم آمیدگسئے تها گۆن دو لکیر کمتری هسابا دئیگ بوتگ و آییئے کاگد استان کرمانئے کمیسیونئے دستا په بکشگئے واستا پَٹّ و پاسئے تها بوتگ.

گوَشگی اِنت که گوَستگێن رۆچا گۆن آییئے لۆگئے آهری گند و نندئے اجازت دئیگ نبوتگ و آییئے لۆگئے مردمانی مِنّواریئے گۆما رند چه زُهرا، آیان گۆن پرج الّاه چُنت دکیکت گندمکِش بوتگ و آهری گند و نند کنگ بوتگ.

گوشگ ببیت که ۲۰۲۳ ئے سالا کم چه کم ۱۸۴ بندیگیێن بلۆچ گۆن وڑ وڑێن جُرمان اێرانئے ۲۶ دگه دگه جاهێن شهران که دُزآپ گۆن ۵۴ کس و بیرجند گۆن ۳۱ کس گێشترێن ابێد انسانی هُکما اێدامئے هُکما مهکوم کنگ و اێدام کنگ بوتگ‌اَنت که اِشانی تها کساس چار جنێن هم هست.