رَسانک نیوز

دوشمبهئے رۆچا ۲۲ مرداد ۱۴۰۳، چهبارئے تها چه اُمّانئے زِرئے آپ په مشهدئے واستا برۆکێن شرکتئے کارزورانی نیروان اے سئوبا که آیانی پنچ گوستگێن ماهئے هکوک دئیگ نبوتگ چه پنجشمبهئے رۆچا ۱۸ مرداد ۱۴۰۳، اَرتالِش کُرتگ و وتی هکوکئے لۆٹۆک بوتگ‌اَنت.

گوَشگ ببیت که کارزورانی نیرو و اُمّانئے زرئے آپئے برۆک په مشهدئے شرکتئے کارگر دومی بهرئے تها زهرشانیئے مُچّی کُرتگ و اَرتالئے جارِش جتگ و وتی پنچ گوستگێن ماهانی پَشتکپتگێن هکوکانی لۆٹۆک بوتگ‌اَنت.

اے نیرو گۆن پنچ رۆچئے گوَزگا انگت اَرتالئے تها اَنت، کَسے پسئو دئیۆک نه‌اِنت و سرمستران بس گوَشتگ که پول نێست‌اِنت و باید اِنت که کارپرما شمئے هکوکا واریز بکنت و دگه لهتێن نۆکێن نیرو، اے اَرتال کنۆکێن نیروانی جاها آرگ بوتگ.