رَسانک نیوز
دوشمبهئے رۆچا ۲۲ مرداد ۱۴۰۳، گۆن اداره اداره اتلاهاتئے اُرش برگ دُزآپئے تها یک لۆگیئے سرا باباهیانئے هلکا دُزآپ شهرا یک جهمنندێن بلۆچے جَن و چۆپِش کُرتگ و ابێد چه آییئے جُرمئے گوَشگ و آمیدگسی هُکما آوار جتگ و نامالومێن جاهے بُرتگِش.
اے جهمنندێن بلۆچئے پجّار (ابراهێم هارکۆهی)، ۲۵ سالگ، شهدادئے چُکّ و دُزآپئے نندۆک گوَشگ بوتگ.
همے هالئے رِدا، کساس بانگواهئے ساهت سئیا دُزآپئه اداره اتلاهتئے بے نمبرێن ماشینے باباهیانئے هلکا لۆگیئل دپا اُرش برتگ و رَند چه جَن و چۆپا یکّے چه لۆگئے مردمان ابێد چه آییئے جُرمئے گوَشگ و آمیدگسی هُکمئے دئیگا آوار جتگ و نامالومێن جاهے بُرتگِش.
گوشگ ببیت که ابراهێمئے لۆگئے مردمان و آییئے سیادانی دُنبالگیریا، اداره اتلاهاتئے نیروان چه آییئے آوار جنَگا بێهبریئے جار جتگ و چه آییئے لۆگئے مردمانی پسئو دئیگا دوری کُرتگ.
چه اے جهمنندئے جُرم و آییئے جاهے دارگئے هالان تان انّون هچ ابرے نێست.
Be the first to comment