رَسانک نیوز

گوستگێن رۆچا ۱۹ مرداد ۱۴۰۳، هزاران جهمنندێن بلۆچ رودراتکی نێمگئے بلۆچستانا تُربتئے شهرا په ڈاکٹر مهرنگ بلۆچئے وشّ‌آتک کنگا مُچّ بوتگ‌اَنت که آ گْوادرئے شهرا وتی لۆٹانی مَنّگا سرکارئے مجبور کنگا سۆبێن بوتگ و سئوگندِش وارتگ که وتی هکّئے جُست کنگا جنگ بکننت.

ڈاکٹر مهرنگ بلۆچ، بلۆچستانئے یکجهتیئے کمیٹیئے سرۆکا پنچشمبهئے شپا ۸ اگستا که برابر اِنت گۆن ۱۸ مردادا وتی بِندات بوتگێن زهرشانی که ۲۸ئے جولایا بنداتی بوتگ و پاکستانئے سرکاری مردمان آیانی لۆٹ کبول کرتگ‌اَنت هلاس بئیگئے جاری جتگ.

ڈاکٹر مهرنگ گۆن نشتگێن مردمان چه گوادرا، تُربتئے شهرا شُتگ و مان یک مزنێن مُچی و باز هزار اے شهرئے مردم، اے شهرئے هزاران جهمنندانی گۆما سئوگندِش زُرتگ که دست چه جنگ و وتی لۆٹئے واستا کِر مکننت و وتی جنگا دێما ببرنت.

ڈاکٹر مهرنگا (شاهد فدا بلۆچ)ئے چئوکا وتی راجدپتری گشتانکئے تها اے گپّ پَدّر کُرتگ که په ما بلۆچ راجا دگه هچ راه و درے پشت نکپتگ ابێد جنگ و زُلمئے دێمئے اۆشتگ و مارا په راجی هاکمیتا جنگ کنگی اِنت. آییا پدا (مکران تان ڈی جی کان، بلۆچستان بلۆچستان)، (مکران تان سیستان، بلۆچستان بلۆچستان)، (بلۆچ نسل کشی بند کنگی اِنت) و دگه وڑێن ناره جتگ و اۆدائے مردمان هم هئواری کُرتگ.

زانگ ببیت که بلۆچ زهرشانی کنۆکانی کاروان رۆدراتکی بلۆچستانئے بنجاهی شهر شال (کوَئیٹه)ئے راهئے سرئے اے دگه بازێن شهران اۆشتگ و گشتانک دئیگی اِنت.