رَسانک نیوز

جُمَهئے رۆچا ۱۹ مرداد ۱۴۰۳، یک ورناهێن جنِکے وتی لۆگئے تها جیرُپتئے شهرا رۆدبار زمین بلۆجستانئے هلکا که چه آییئے لۆگا په منڈیئے واستا کارمرز کنگ بوتگ آس گِرگئے سئوبا وتی ساهی چه دستا داتگ.

چه بێران بوتگێن ورناهئے پَجّارا تان انّون هچ هالے نێست.

منڈی بلۆچیئے زُبانا جاهے گوَشگ بیت که ٹێل اۆدا جم کنگ بیت و رَندا ٹێلکشّ چه اۆدا زورنت و لئین و دئین کننت.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.