رَسانک نیوز

رستگێن ویدیوے پێش داریت که یکشمبهئے سُهبا ۱۴ مرداد ۱۴۰۳، رَند چه اِشیا که (منابع طبیعی)، بنیاد مسکن و نزامی نیروانی کارندهان بانگواها کساس ساهت دوا چهبارئے شهرا میرآبادئے دو هلکئے سرا اُرش بُرتگ چُنت ده لۆگ چه بلۆچێن جهمنندانی لۆگان هراب کرتگ‌اَنت و جهمنندێن مردمِش بے لۆگ کرتگ‌اَنت.

یکّے چه اے هلکئے مردمان که آییئے لۆگ ابێد چه آمیدگسیئے هُکمئے پێش دارگا کارندهانی دستا هراب کنگ بوتگ گوشیت: اے نیرو چه چُنت دئولتی و نزامی باسکئے کارنده بوتگ‌اَنت که اے هلکئے سرا اُرش بُرتگ و آیان مردم اجازت نداتگ که وتی سامانان بزورنت و دراهێن سامان بارانی چێرا مانتگ‌اَنت.

گوشگی اِنت که کساس سُهبئے ساهت دوا، ۱۴ مرداد، (منابع طبیعی) و نزامی نیروانی چُنت ده مردم گۆن بازێنے چه زاتی و دئولتی ماشینان میرآبادئے هلکا چهبارئے شهرا اُرش بُرتگ و گۆن مردمانی درکنگئے گۆما چه آیانی لۆگا گۆن لودر و پُتک و کلنگئے گۆما گێشتر چه ۸۰ جهمنندئے لۆگانی هراب کنگئے بِندات کُرتگ.

۲۰۲۳ئے میلادی سالا گۆن جم کُرتگێن هالان، امنیتی نهاد و اێرانئے جمهوری اسلامیئے دئولتا، بلۆچ نندێن ملکان کم چه کم ۲۱ جاها، لۆگش هراب کُرتگ و مردمانی زمینش زۆرئے سرا برتگ‌اَنت. گێشترێن زۆرگیری چهبارئے تهد گۆن هشت جاها و دُزآپئے تها گۆن هپت جاها گوَشگ بوتگ.