رَسانک نیوز

شمبه ۱۳ مرداد ۱۴۰۳، یک ٹێلکشێن ماشینیئے دُمبال کنگا مینابئے شهرئے کالا کاچاکئے هایلوکسێن ماشینیئے گۆما، میناب و بنداَباسئے راها که سئوب بوتگ ٹێلکشێن ماشین گۆن یک دگه ماشینے که یک لۆگیئے مردم بوتگ‌اَنت ڈیکّ بوارت و آس بگیپت که کم چه کم پنج کس چه دوێن ماشینانی نندۆکان وتی ساه آسئے تها چه دستا داتگ.

چه اے جهمنندانی پجّارا تان انّون هچ هالے نێست.

گۆن همے هالا، امنیتی نیروان گۆن زاتی ماشینے ٹێلکشێن ماشینئے دُمبا کپتگ‌اَنت و رَند چه اِشیا که دوێن ماشینان ڈیکّر وارتگ و آس گپتگ‌اَنت چه آ جاها تتکگ و شتگ‌اَنت.

گوشگ بیت که رَند چه اے وئیلا، دوێن ماشین زوتا آس گپتگ‌اَنت و پنج کس چه دوێن ماشینانی نندۆکان آسئے تها وتی ساه چه دستا داتگ.

گوَشگی اِنت که هکومتی رسانکان ابێد چه اِشیا که زاتی هایلوکسێن ماشین و نیروانی چه جاها تچگئے نامئے گرگئے گۆما، اے وئیلِش بس ٹێلکشێن ماشینئے ڈیکّر ورگ گۆن ماشینے که لۆگی مردم نندۆک بوتگ‌اَنت گوشتگِش.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.