رَسانک نیوز

چارشمبهئے سُهبا ۱۰ مرداد ۱۴۰۳، یک بلۆچێن بندیگے که پێسرا آییئل اێدامئے هُکم دئیگ بوتگ دُزآپئے بندیگا اجرا کنگ بوتگ.

اے بندیگێن بلۆچئے پجّار (پزل اهمد پاته نیا[زرکزهی])، ۳۰ سالگ، آگانورئے چُکّ و سئے چُکّئے پت و زهکئے نندۆک گوَشگ بوتگ.

همے هالانی رِدا، پزل اهمد ۱۴۰۲ئے سالا، وتی پتئے کُشگئے جُرما زهکئے شهرا نزامی نیروانی دستا دزگیر کنگ و زابلئے بندیگا برگ و چه زابلئے سزاهی آمیدگسا اێدامئے هُکما مهکوم کنگ بوتگ.

اے بندیگ والا یک هپتگے پێسر چه زابلئے بندیگه دُزآپئے بندگ آرگ بوتگ و اێدانئے پێسری رۆچا تنکێن بندیگا برگ و وتی لۆگئے مردمانی گندۆکئے اجازت دئیگ بوتگ.

گوشگ ببیت که ۲۰۲۳ ئے سالا کم چه کم ۱۸۴ بندیگیێن بلۆچ گۆن وڑ وڑێن جُرمان اێرانئے ۲۶ دگه دگه جاهێن شهران که دُزآپ گۆن ۵۴ کس و بیرجند گۆن ۳۱ کس گێشترێن ابێد انسانی هُکما اێدامئے هُکما مهکوم کنگ و اێدام کنگ بوتگ‌اَنت که اِشانی تها کساس چار جنێن هم هست.