رَسانک نیوز

مرۆچی یکشمبه ۷ مرداد ۱۴۰۳، نامالومین سلاهبندێن مردمانی تیرگواری یک سوپر مارکیٹیئے نێمگا شستونئے شهرا هُمئینیئے هئیابانا سئوب بوتگ که یک جهمنندے ٹپّیگ ببیت.

اے بلۆچ جهمنندئے پجّار (سلیم پازلی)، ۳۰ سالگ، شستونئے نندۆک و اے دکانئے سرا کارا بوتگ.

همے هالانی رِدا، سلاهبندێن مردمان رَند چه اِشیا که اے دُکانئے نێمگا تیرگواری کُرتگ گۆن ماشینئے گۆما چه اۆدا گار بوتگ‌اَنت و چه آیانی جنگئے سئوبا هچ هالے نێست.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.