رَسانک نیوز

دوشمبهئے رۆچا ۱ مرداد ۱۴۰۳، یک ٹێلکشێن ماشینیئے چپّ کنگئے گۆما رۆتکئے سیمسری دمگان میرجاوهئے شهرا آییئے راننده ٹپاّنی سئوبا وتی ساهی چه دستا داتگ.

اے بێران بوتگێن ٹێلکشئے پجّار (امانُ الّاه نسرویی) کساس ۳۳ئے سال انتی، اَزیزُلّاهئے چُکّ، سور کُرتگێن و یک چکیئے پت و میرجاوهئے نندۆک گوَشگ بوتگ.

همے هالانی ردا، امانُ الاهئے ماشین رۆتگ و تهلاپئے راها گۆن ٹئیرئے تْرکّگا، راهئے رئوگا چپّ بوتگ که آییی سکّ ٹپّیگ بوتگ و میرجاوهئے نادراهجاها برگ بوتگ بله آییئے هالئے هرابیئے سئوبا و میرجاوهئے نادراهجاهئے امکاناتئے نێستیئے سئوبا دُزآپئے نادراهجاهئے برگئے راه بازێن ٹپّانی سئوبا وتی ساهی چه دستا داتگ.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.