![](https://rasanknews.com/wp-content/uploads/2024/07/photo_2024-07-19_00-55-12-930x1024.jpg)
رَسانک نیوز
یکشمبهئے رۆچا ۲۳ تیر ۱۴۰۳، دو موتور والاێن ٹێلکشێن بلۆچ پتکوکی سیمسرئے راها کله گانئے تها چه سراوانئے شهرئے دمگان، (بن سر)ئے پاسگاهئے سیمسری نیروانی دستا ابێد پێسری اۆشتارێنگ و هشدار دئیگا تیرانی آماچِش کُرتگ یکّے چه آیان چه بازێن ٹپّان وتی ساه چه دستا داتگ و یکّے دگه سکّ ٹپّیگ بوتگ.
بێران بوتگێن ٹێلکشئے پجّار (جمشید گمشادزهی)، کساس ۲۱ سالگ، مهمدئے چُکّ، سور کُرتگێن و یک کسانێن چُکّێئے پت و ٹپّیگ بوتگێن ٹێلکشئے پجّار (اکرم گمشادزهی)، کساس ۲۰ سالگ، شاهمرادئے چُکّ، سور کُرتگێن، هر دوێن سراوانئے نندۆک گوَشگ بوتگاَنت.
همے هالانی رِدا، گوَستگێن رۆچا زُهرئے ساهت یکّا، بن سرئے نیروانی کمین موتور سئوارێن ٹێلکشانی راهئے سرا پتکوکیئے راها، کله گانئے هلکا چه سراوانئے شهرے دمگان، ابێد چه پێسری هُشدارا موتورا والاێنی نێمگا تیرگواری کُرتگ که اے دوێن ٹێلکش وتی لۆگا واتر کنگا بوتگاَنت که موتورئے راننده گۆن چُنت تیرئے ورگا وتی ساهی چه دستا داتگ و آ دگه موتور سئوار گۆن یک تیریئے ورگا دستئے سرا ٹپّیگ بوتگ و هنگئے سیمسرئے نزامی نیروانی دستا سراوانئے نادراهجا برگ بوتگ.
گوشگی اِنت که جمشیدئے لاش گۆن ٹپّیگ بوتگێن کسئے گۆما نادراهجاها برگ بوتگ و گۆن آییئے هلکئے آیگا، نادراهجا آییئے لاش نداتگ و گوشتگی باید اِنت که لاشئے گِرَگئے نامه چه کله گانئے سیمسری هنگا تایید ببیت.
Be the first to comment