رَسانک نیوز

دوشمبهئے بانگواها ۲۵ تیر ۱۴۰۳، یک منڈیے کشاورزئے رۆڈا دُزآپئے شهرا آس گپتگ و بازێن مالی نکسانی داتگی.

اے آس سۆچی دو ماشینئے ٹێلئے هالیگ کنگئے وهدا پێش آتکگ و چه اے وئلئے سئوبا انگت هچ هالے نێست.

گوَشگی اِنت که گۆن اے وئیلا آتش نشانیئے ماشین آتکگ و جهمنندێن بلۆچ گۆن کسانێن آتش نشانیئے کپسولئے گۆما آسِش هامۆش کُرتگ.

منڈی بلۆچیئے زبانا جاهے گوَشگ بیت که ٹێل اۆدا جم بیت و پدا ٹێلکش چه اۆدا ٹێلان زورنت و کار و بار کننت.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.