به گزارش رسانک، سحرگاه امروز ۲۳ شهریورماه ۱۴۰۵، حکم اعدام دستکم یک زندانی بلوچ که پیشتر با اتهامات مرتبط با مواد مخدر بازداشت و توسط دادگاه در اصفهان به اعدام محکوم شده و روز ۲۱ شهریورماه برای اجرای حکم به سلول انفرادی زندان این شهر منتقل شده بود، به اجرا گذاشته شد.

هویت این زندانی، «عبدالرحیم نارویی روزنه»، ۴۷ ساله، فرزند حبیب‌الله، متأهل و دارای فرزند و اهل زابل توسط رسانک محرز شده است.

به گفته منابع رسانک، عبدالرحیم حدود پنج سال قبل در اصفهان با اتهامات مرتبط با مواد مخدر توسط نیروهای نظامی بازداشت و پس از طی روند رسیدگی قضایی از سوی دادگاه به اعدام محکوم شده است. مسئولان زندان اصفهان طی یک تماس تلفنی از خانواده وی خواسته‌ بودند برای انجام ملاقات آخر در روز ۲۲ شهریورماه به این زندان مراجعه کنند.

بر اساس داده‌های گردآوری‌شده در طول سال ۲۰۲۵ دستکم ۱۳۷ مورد اجرای حکم اعدام علیه زندانیان بلوچ در ۲۷ زندان مختلف در ایران ثبت شده که زندان زاهدان با ثبت ۳۴ مورد اعدام، بیشترین تعداد اجرای احکام را داشته است. در این بین، ۹۴ نفر (حدود ۶۸٫۶ درصد) با اتهامات مرتبط با جرائم مواد مخدر، ۳۶ نفر (حدود ۲۶٫۳ درصد) به اتهام قتل، ۴ نفر (حدود ۲٫۹ درصد) به اتهامات سیاسی و عقیدتی، ۲ نفر (حدود ۱٫۵ درصد) به اتهام تجاوز به عنف و ۱ نفر (حدود ۰٫۷ درصد) با اتهامی نامشخص اعدام شده‌اند.

رَسانک نیوز/ یکشمبے 22 شهریور ماہ 1405 ءِ بانگواه ءَ، زابل ئے بندیگجاہ ءَ دو بلوچیں بندیگ که چه پیسرا په مواد ئے چِست ائیر کنگئے بهتان ءَ نزامی ٹولییا دزگیر کرتگ اَنت، پد چه ایشی که آیان ءَ پاھو ئے ھُکم وارتگ، اے ھُکم مروچی سرجم بوتگ.

رَسانک ءَ اے دوئیں بلوچیں بندیگانی پجّار «ھاشم رکشانی»، 34 سالگ، اِزّت ئے چُک، آروس کرتگ ءُ دو زھگئے پت، زھک ئے نندوک ءُ «امان‌الله نزرھانی»، کریم ئے چُک، زھک ئے دہ‌نادر دمگئے نندوک زانتگ.

رَسانک ءِ ھال سرکنوکانی رِد ءَ، ھاشم رکشانی کریب سئے سال پیسرا ماں زابل ءَ گوں مواد ءَ جُڑتگیں پرمندھئے دیما دزگیر کنگ بوتگ ءُ چه اِنساپ ءِ اداره ءَ پاھو ئے ھُکمی وارتگ. آیی شمبے 21 شهریور ماہ ءَ په ھُکمئے سرا کارواییا ایوکیں واڈ ءَ شور دیئگ بوتگ ءُ مروچی سباھا پاھو دیئگ بوتگ.

ھمے وڑا امان‌الله نزرھانی سال 1402 ءِ بُنگیج ئے دوران ءَ چه میلک سیمسر ئے نزّیک ءَ دزگیر کنگ بوتگ ءُ کریب سئے سال زابل ئے بندیگجاہ ءَ بندیگ بوھگ ءَ رَند، مروچی سباھا ماں زابل ئے بندیگجاہ ءَ گوں ھاشم رکشانی ءَ یکّیں وھدا پاھو دیئگ بوتگ.

رَسانک نیوز/ مروچی یکشمبے 22 شهریور ماہ 1405 ءِ بانگواه ءَ، پهرہ ئے بندیگجاہ ءَ بلوچیں بندیگئے پاھو ئے ھُکمئے سرا کاروایی بوتگ. اے بندیگ چه پیسرا په مواد ئے الزاما دزگیر کنگ بوتگ ءُ آمیدگِس ءَ آییا پاھو ئے ھُکم داتگ.

رَسانک ءَ اے بلوچیں بندیگئے پجّار «مهمد موسازھی»، 34 سالگ، سید‌امیر ئے چُک، آروس کرتگ ءُ دو ھُردیں چُکئے پت، پهرہ ئے جهمنند زانتگ.

رَسانک ءِ ھال سرکنوکان ءَ گوَشتگ: مهمد آبان ماہ 1402 ءَ ماں پهرہ ءَ دزگیر بوتگ ءُ رَند چه اشیا اے شهرئے آمیدگِس ءَ آییا پاھو ئے ھُکم داتگ. آیی زی 21 شهریور ماه ءَ په ایوکیں واڈ ءَ شور دیئگ ءَ رَند مروچی بانگواه ءَ پاھو دیئگ بوتگ.

داں انگتا اِنساپ اداره ءُ بندیگجاھئے زمّهواران ءَ اے ھُکمئے سرا کارواییے بارئوا ھچ وڑیں سرکاری ھالے شِنگ نه کرتگ.

رَسانک نیوز/ مروچی یکشمبے 22 شهریور ماہ 1405 ءِ بانگواه ءَ، بلوچیں بندیگے که چه پیسرا په مواد ئے چست ءُ ائیر کنگئے بهتان ءَ دزگیر کنگ بوتگ ءُ جیرپت ئے آمیدگِس ءَ آییا پاھو ئے ھُکم داتگ، جمے روچ ءَ 20 شهریور ماه ءَ په اے ھُکمئے سرا کارواییا جیرپت ئے بندیگجاہ ئے ایوکیں واڈ ءَ شور دیئگ ءُ آییئے ھُکمئے سرا کاروایی بوتگ.

اے بندیگئے پجّار «یوسپ آبیل»، 27 سالگ، امان الله ئے چُک، آروس کرتگ ءُ دو ھُردیں چُکئے پت، زابل ئے نندوک زانگ بوتگ.

رَسانک ءِ ھال سرکنوکانی رِد ءَ، یوسپ آبیل اردیبهشت ماہ 1403 ءَ ماں جیرپت ءَ دزگیر کنگ بوتگ ءُ رَند چه دو سال بندیگ بئیگ ءَ اے شهر ئے آمیدگِس ءَ آییا پاھو ئے ھُکم داتگ.

رَسانک نیوز/ چارشمبے 18 شهریور ماہ 1405 ءِ شپ ءَ، زِرباریں ھُراسان سوبهئے کائن ئے راھا چیک پوسٹئے نزّیک ءَ بلوچیں ٹیلکشّی نزامی ٹولییے تیرگواریئے دپ ءَ کپتگ ءُ چه بازیں ٹپّان ءَ ساھی داتگ.

اے بلوچئے پجّار «مهدی سنچولی»، 50 سالگ، مهمدرزا ئے چُک، آروس کرتگ ءُ پنچ زھگئے پت، زابلئے نندوک ءُ مشهد ئے جهمنند زانگ بوتگ.

ھال سرکنوکانی رِد ءَ، کائن ئے راھا، چیک پوسٹئے نزّیک ءَ نزامی ٹولییا گوں زاتی گاڑیانی کارمرز کنگ ءَ بید چه جار ءُ دلگوش دیئگ ءَ اے ٹیلکشّئے گاڑی ئے سرا تیرگواری کرتگ که آییا تیر لگّتگ ءُ سکّ ءَ ٹپّیگ بوتگ.

ھال سرکنوکان ءَ گوَشتگ: اوژانس ئے دیرا سربوھگ ءُ وھد ئے سرا درمان نه بوھگ ءَ اے ٹیلکشّ ءَ ساہ داتگ.

رَسانک نیوز/ پنچشمبے 19 شهریور ماہ 1405، تربت ھیدریه ءَ ھُراسان دمگئے یکی چه بابهروسهین ءُ اسپیت ریشیں بلوچاں روچ برکتئے وھدا سلاہ‌بندیں مردمانی تیرگواریئے دپ ءَ کپتگ ءُ چه تیر ئے ورگ ءَ ساھی داتگ.

اے بلوچئے پجّار «گلامرزا رکشانی»، گوَشگ بوتگ، که چه رکشانی کُٹهمدان ئے بابهروسهین ءُ کماشیں مردماں زانگ بوتگ کہ ھُراسان ئے بلوچانی میان ءَ اِھتبارداریں مردمی بوتگ.

رَسانک ءِ ھال سرکنوکانی رِد ءَ، سلاہ‌بندیں مردمان ءَ تربت ھیدریه ئے شهر ءَ گلامرزا ھان ئے سرا تیرگواری کرتگ که آییا تیر وارتگ ءُ چه بازیں ٹپّاں ساھی داتگ. ھال سرکنوکان ءَ گوَشتگ: سالی پیسرا سلاہ‌بندیں مردمان ءَ آییئے برات «اَلیرزا رکشانی» ھم کُشتگ.

ھال سرکنوکان ءَ گوَشتگ: اے ویلئے بُن ءُ بیه سالی پیسرا پیش آتکگیں کبیلهی جیڑہ ءُ ٹکّر زانگ بنت که گلامرزا ھان وتی برات ئے کُشگ بوھگ ءَ رَند گوں بے تواریں جُهد ءَ ٹکّر ءُ جیڑھانی دیم دارگ ئے کوشست کرتگ. بله اے وھدا آییئے جِند تیرگواریئے دپ ءَ کپتگ ءُ کُشگ بوتگ.

رَسانک نیوز/ پنچشمبے 19 شهریور ماہ 1405 ءِ شپ ءَ، دزاپ ءِ زیباشهر ءَ بلوچے سلاہ‌بندیں مردمانی تیرگواری ئے دپ ءَ کپتگ ءُ تیری وارتگ ءُ ساھی داتگ.

رَسانک ءَ اے بلوچئے پجّار «ھامد‌ ریگی (نتوزھی)»، ابداللّه ئے چُک ءُ دزاپ ءِ نندوک زانتگ.

رَسانک ءِ ھال سرکنوکانی رِد ءَ، ھامد زیبا‌شهر ءَ بوتگ که سلاہ‌بندیں مردمان ءَ آییئے سرا تیرگواری کرتگ. آییا تیر وارتگ ءُ ساھی داتگ. سلاہ‌بندیں مردماں پد چه تیرگواری ءَ چه جاھا دَر شُتگ اَنت.

اے بلوچئے نماز جنازہ مروچی گوں جمے نماز ءَ ماں مکی مسیت ءَ وانگ ببیت. داں انگتا جنوکانی پجّار ءُ آیانی سئوب چه اے تیرگواری ءَ زانگ نه بوتگ.

رَسانک نیوز/ سئے شمبے روچ 17 شهریور ماہ 1405، پهرہ ئے رسول‌آباد دمگئے نزّیک ءَ کمال آباد ءَ «اسلم سدیکی»، بلوچے که پیسرا په امنیتی ءُ سیاسی پرمندھئے دیما دزگیر ءُ بندیگ بوتگ، انّیگیں وھدا په دگه پرمندھی ءَ بندیگ ءُ وتی ھُکما کَشّگ اِنت، سلاہ‌بندین ءُ پَجّار نه بوتگیں مردمان ءَ چه آییئے وسّوگ ئے لوگئے دیما آوار جتگ ءُ داں انگتا آییا ھچ پئیمیں ھالے سرپد ئے نیست اِنت.

اسلم سدیکی، مهمداسلام ئے چُک، 26 سالگ، آروس کرتگ ءُ دو زھگئے پت، که ویلئے روچا گوں وتی لوگ بانوک ءَ وسّوگ ئے لوگ ءَ بوتگ. دروازگ ئے توار ءَ پد آییا دروازگ پَچ کرتگ که سئے نکاب پوشیں، سلاہ‌بندین ءُ بے پجّاریں مردمان ءَ زور ئے سرا آوار جتگ ءُ وتی پژو پارس گاڑی ءَ که نمبر پلیٹی کَرّگ بوتگ سوار کرتگ ءُ چه جاھا دَر شُتگ اَنت.

سر بوتگین ھالانی رِد ءَ، اسلم ئے لوگ بانوک ءَ پد چه اے ویل ءَ اِنساپ ادارھان ءَ شُتگ ءُ اے بارئوا شکایستی داتگ. امنیتی ءُ انتزامی ادارھان ءَ اے بُن گپّ ئے رَندگیری بُنگیج کرتگ، بله داں انگتا سلاہ‌بندیں مردمانی پجّار، آییئے دارگ ئے جاگه ءُ جاور ئے بارئوا ھچ پئیمیں ھالے سرپد ئے دست نه کپتگ.

اسلم سدیکی کِساس پنچ روچ پیسر چه اے ویل ءَ چه پهرہ ئے بندیگجاہ ءَ وتی چُکّئے زات روچ ءَ په دہ روچئے چُٹی ءَ دیم دیئگ بوتگ. تاریک 23 آزر ماہ 1405 ءَ ماں پهرہ ءَ په «مهلوک ءَ په سرکار ئے ھلاپ ءَ شور دیئگ»، «سرکار ئے ھلاپیں گلان ءُ میڈیا ءَ گوں ھور بوھگ» ئے بُهتان ءَ دزگیر کنگ بوتگ. آیی 17 مهر ماہ 1402 ءَ دزاپ ءِ بندیگجاہ ءَ پہ وتی بندیگ بوھگئے زھرشانی ءَ وت کُشی ئے جُهد کرتگ، گڑسرا چارشمبے روچ 26 مهر ماہ 1402 ءَ، یک سال بندیگ بوھگئے ھُکمی وارتگ ءُ 500 ملیون زمانت ئے سرا آجو بوتگ.

رَند چه آ سالان ءَ اے بلوچ پدا ماں بندراَبّاس ءُ پهرہ ءَ دزگیر کنگ بوتگ ءُ انّیگیں وھدا پهرہ ئے بندیگجاہ ءَ وتی ھُکما گوازینگ ءَ بوتگ.

چُٹی ءِ روچان ءَ ھماں وھدا آیی آوار جنَگ بوتگ که داں انگتا ھاندان ءَ ھچ پئیمیں ھالے سرپد ئے چه آییا دست نه کپتگ.

رَسانک نیوز/ چارشمبے 18 شهریور ماہ 1405 ءِ بانگواه ءَ، اسپهان ئے بندیگجاہ ءَ بلوچیں بندیگے پاھو دیئگ بوتگ. ایران ئے اِنساپ اداره ءَ چه پیسرا په مواد ئے پرمندھی ءَ اے بلوچ ءَ پاھو ئے ھُکم داتگ.

اے بندیگئے پجّار «مهمد‌یوسپ ایسازھی (ریگی)»، کِساس 40 سالگ، آکوب ئے چُک، آروس کرتگ ءُ پنچ زھگئے پت، پهرہ ئے چاہ جمال دمگئے نندوک زانگ بوتگ.

ھال وشّ ئے ھالانی رِد ءَ، مهمد‌یوسپ سال 1401 ءَ ماں اسپهان ءَ په مواد ئے پرمندھی ءَ دزگیر بوتگ ءُ اے شهر ئے انکلاب آمیدگِس ءَ آییا پاھو ئے ھُکم داتگ. چه پاھو دیئگ ءَ پیسر آیی سئے برا په ایوکیں واڈ ءَ شور دیئگ بوتگ تانکه آییئے ھکمئے سرا کاروایی ببیت. بله ھر برا بید چه اشیا که آییئے ھکمئے سرا کاروایی ببیت پدا په بندیگجاہ ئے ھوریں واڈ ءَ دیم دیئگ بوتگ.

ھال سرکنوکان ءَ گوَشتگ: اے بندیگ وتی ھُکمئے کَشّگئے دوران ءَ په کُرآن ئے ھپز کنگا سئوبیں بوتگ. بله گُڑسریں برا که ایوکیں واڈ ءَ شور دیئگ بوتگ آییئے پاھو ئے ھُکمئے سرا کاروایی اِش کرتگ.

رَسانک نیوز/ دوشمبے 16 شهریور ماہ 1405، بلوچیں ٹیلکشّی که دگه ٹیلکشّیں گاڑی ءَ گوں ٹوکرے وارتگ ءُ آییئے گاڑی بُن گپتگ، شش روچ ءَ پد چه بازیں سوچکان ءُ ٹپّاں ماں یزد ئے نادراہجاھی ءَ ساہ داتگ.

کُشگ بوتگیں ٹیلکشّئے پجّار «ابدلهادی ھملی»، 20 سالگ، ابدلباکی ئے چُک ءُ سرباز ئے نسکنت زِلّهئے آبچگی دمگئے نندوک زانگ بوتگ.

اے ھالئے رِد ءَ، سئےشمبے 10 شهریور ماه ءَ بانگواھئے ساھت چار ئے وھدا پهرہ ئے سرکهوران دو راھی ءَ دو ٹیلکشّیں گاڑی ءَ گوں یکادگرا ٹوکر وارتگ ءُ بُن گپتگ اَنت. اے ویل ءَ ابدلهادی ھملی سکّ ءَ ٹپّیگ بوتگ ءُ گوں 80% سوچک ءَ درمان ئے دیمرویئے ھاترا یزد ئے نادراہجاھی ءَ شور دیئگ بوتگ.