یک بلۆچ جهمنندیئے بێران بئیگ سلاهبندێن دُزّانی دستا اێرانشهرا

رَسانک نیوز

گوستگێن شپا ۲ اسپند ۱۴۰۲، یک بلۆچ جهمنندے گۆن سلاهبندێن دُزّانی تیرگواریا، کشاورزئے بلوارئے پهرئے تها تیرانی آماچ و بێران بوتگ.

اے بلۆچ جهمنندئے پجّار “رهیم ارب”، ۲۵ سال انتی، اَبدلودودئے چُکّ اِنت و پهریان نندۆک بوتگ.

گۆن اے رستگێن هالا، کساس ساهت هشتئے شپا، سلاهبندێن دُز که لۆٹتگِش که رهیمئے تلپنا بدُزّنت گۆن آییئے دێمگیریا دێم په دێم بوتگ‌اَنت و پدا اے جهمنندئے نێمگا تیرگواری و آییئے سێنگئے سرا سئے تیر وارتگ و بێران بوتگ.

گوشگی اِنت که اے هال که بلۆچستانئے تها دُزّی و ناامنی سکّ باز بوتگ‌اَنت که اے استان نزامی و امنیتی نهادانی سکّ ترێن امنیتی جاه بوتگ که پێش داریت اے ناامنی اتُماتیکی سرا و بس بلۆچ جهمنندانی واستا کنگ بیت.

۲۰۲۳ئے سالئے جم بوتگێن هالانی تها، کم چه کم ۱۹۲ جهمنندێن بلۆچ نامالومێن سلاهبندێن مردمانی اُرشئے آماچ بوتگ که آیانی تها ۱۵۰ کس بێران و ۴۲ کس ٹپیگ بوتگ اے مردمانی تها پنچ کسانێن چُکّ و چار جنێن گوشگ بوتگ.