یک بلۆچے بندیگا دوازده سال هُکم زندان بُرگ بوتگ

رَسانک نیوز

چارشمبهئے رۆچا ۱۸ بهمن ۱۴۰۲، یک بلۆچ بندیگێا هما آمیدگِس بنداتا گۆن که آییئے پجارگا “مهمد نارویی”، آییئے پێدایش ۲۰ اردیبهشت ۱۳۸۰، هُدا نورئے چُکّ، دئوازده سالئے هُکم په آییئے واستا جَنَگ بوتگ.

گۆن اے رستگێن هالا، آمیدگسئے کازیا اے جُرمانی تها “گئیر کانونی چه اێرانئے سیمسرا درآیگ”،”زهزشانی کنگ سرکارئے بگیرا”،همکاری و همدست بگیرا سرکارئے دژمنان” و … په مهمدا گوَشگ بوتگ که مهمدا اے جُرم نمَنّتگ‌اَنت.

مهمد ۱۴۰۲ئے پروَردینئے ۱۹ می رۆچا امنیتی نیروانی دستا دُزآپا آوار جنَگ بوتگ و رَند چه ۹۵ رۆچئے گوَزگا سپاه پاسدارانئے رسانکان گۆن اڈ کُرتگێن گپّان و وسّرێن جُرمان و مجبوری منّگانی شِنگ کنگا، مهمدِش جئیش الاَدلئے جُنزا گوَشتگ.

گوَشگی اِنت که رَند چه هکومتی رسانکانی اے هبرئے شِنگ کنگا، جئیش الاَدلئے جُنزا اێلام کُرتگ که “سپاه پاسدارانئے گپتگێن کَس جئیش الاَدلئے جُنزئے مردم نه‌اِنت”.