چه رسانکئے نێمگا سربوتگێن هالانی ردا، پنچشَمبِهئے شبا 12ئے بهمن 1402آ، چهبارئے شهردارئے کارداران گۆن نزامی نیروانی همراهیا دمگ چهبارا میرآبادئے مێتگا اُرش برتگ ابێد آمیدگِسئے هُکما بے گۆش مالومیا شرو بوتگ‌اَنت مردمانی لۆگانی کرۆجگا و اۆدئے جهمنند شهرداری و سپاهئے بگیرا پاد آتگگ‌انت، گڑا اے اداراهان لهتێن مردم په چُنت ساهتے بندیگ کرتگ تانکه لۆگِش کرۆتگ‌اَنت و گڑا آ اِش پدا آجو کرتگ‌اَنت.
سربوتگێن هالا بنیادا، لهتێن جنێن شهرداری و پاسداران سپاهئے کاردارانی دێما اۆشتاتگ‌اَنت که لۆگِش کرۆجگ مبنت، بله آیان اشانی گپ هچ کِمار نکرتگ، گۆن زا و زکت و زپت و زۆر و برکی شوکرئےکارمرز کنگ، آ اِش چه لۆگان کَشّتگ‌انت و لۆگِش کرۆتگ‌اَنت.
اے سجّهێن میلادی 2023 سالا که گزارشانی که مئے کِرّا سر بوتگ‌اَنت، اێرانئے اسلامی جمۆرئے، مُکتلِپێن سرکارئے امنیتی ادراهان، کم چه کم بلۆچستانئے 21 گشتا پنچ دمگئے بلۆچ جهمنندان لۆگ کرۆتگگ و مردمانی زمین تسرُپ کرتگ‌اَنت اے گێشترێن کاران مان چهبار و دزاپا بوتگ‌اَنت.
Be the first to comment