یک بلۆچ ٹێلکشیئے بێران بئیگ نادراهجایا رَند چه دو رۆچا

رَسانک نیوز

پنچشَمبِهئے رۆچا ۳ اسپند ۱۴۰۲، یک ٹێلکشێن بلۆچے رند چه دو رۆچا که آییئے ماشین رێمدانئے راها دشتیاریئے دمگان چپّ، ٹپیگ بوتگ و چهبارئے امام اَلیئے نادراهجاها بێران بوتگ.

ٹێلکشّێن بلۆچئے پجّار “اسلام بلۆچ”، ۱۹ سال انتی، گپورئے چُکّ اِنت و نلێنٹئے هلکئے مردم و دشتیاریئے دمگان نندۆک اِنت.

گۆن رستگێن هالان، سئے شمبهئے رۆچا اسلامئے ماشین رێمدانئے راها سنگانئے پُهلئے دمگان، چه وتی راها درآتکگ ماشێن چپّ آ ٹپیگ بوتگ و چهبارئے نادراهجاها برگ بوتگ.

گوشگی اِنت که ۲۰۲۳ئے سالا گۆن جم بوتگێن هالان، کم چه کم ۳۲۱ ٹێلکش نزامی دێم په دێم تیرگواری، جادهی پێشامد و وئیلان، نامالومێن سلاهبندێن مردمانی تیرگواریان، هار و آس سۆچیان ٹپیگ و بێران بوتگ‌اَنت.