یک بلۆچێن جهمنندیئے بێران بئیگ گۆن یک سلاهبندێن کسیئے تیرشانیان جاشکئے تها

رَسانک نیوز

دوشمبه رۆچا ۳۰ بهمن ۱۴۰۲، یک سلاهبندێن کسیئے تیرشانی په یک بلۆچێن جهمنندیئے نێمگا جاشکئے (جاسک) تها سئوب بوتگ که یکّے بێران کنگ ببیت.

اے بلۆچێن جهمنندئے پجّار “ایرج”، گلامئے چُکّ و هژدانئے هلکئے مردم چه جاشکئے شهرئے دمگان گوَشگ بوتگ.

گوشگی اِنت، جنۆکێن کس انّوگان بندیگا بوتگ و ایرجا زمانت اێر کُرتگ و آیی چُٹّیئے واستا آتکگ و وهدے که ایرجا گوشتگ که رند چه چُٹیئے تئوام بئیگا پدا بندیگا واتر بکنت تان که زمانتی برگ مبیت آیی گۆن ایرجا جنگ بوتگ.

۲۰۲۳ئے جم کُرتگێن هالانی تها آتکگ، کَم چه کَم ۱۹۲ بلۆچێن جهمنند سلاهبندێن اُرشانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اشانی تها کَم چه کَم پنج کسانێن چُکّ و چار زالبۆل هم هست.