چهبارا بلۆچے نامالومێن سلاهبندانی دستا جَنگ بوتگ

رَسانک نیوز

سئے شمبهئے رۆچا ۱۷ بهمن ۱۴۰۲، چهبارئے بلۆچ جهمنندے وتی لۆگا، نامالوم سلاهبندانی دستا چه سرئے تیری وارتگ و بێران بوتگ.

اے بلۆچ جهمنندئے پجّار “سالم آسکانی”، ۲۵ سالگ انتی، پکیر مهمدئے چُکّ اِنت، دمگ راسک هلک جنگلئے نندۆک بوتگ.

گوَشگی اِنت که سالما وابئے تها چه سرئے  نێمگا نشانگ گرگ بوتگ جاه په جاه بێران بوتگ و جنۆکان آییئے سرا کَمبلے داتگ و چه لۆگا درآتکگ‌اَنت.

گۆن اے رستگێن هالا، سالم و آییئے لۆگئے مردمان گۆن کسا اڑ و کُڑی نبوتگ و چه لۆگا هچ چیزے هم دُزّگ نبوتگ و اگن گوشگ ببیت که دُزّان جتگ و آییئے چهبارئے تها دکان دارے بوتگ.

۲۰۲۳ئے جم کُرتگێن هالانی تها آتکگ، کَم چه کَم ۱۹۲ جهمنندێن بلۆچ نامالومیێن سلاهبندێن مردمانی آماچئے تها بوتگ‌اَنت که آیانی تها ۱۵۰ کس بێران بوتگ و ۴۲ کس ٹپّیگ بوتگ. اے مردمانی تها کَم چه کَم پنج کسانێن چُکّ و چار جنێن هم هست.