گـل ھــــان نـسـیر

✍🏻ایـــــــن،الــــــپ بـلـوچ

گـل ھـان نـسـیـر 14 مـئـی 1914 ءَ نـوشـکـی ءَ ” کِـلـی مـیـنـگـل” ءَ ودی بـُوتـگ ــ آریـپ ءِ نـام ئِـے مـیـر ھـبـیـب ھـان مینگل بـُوتـگ ــ کـہ چـَہ مـیـنـگـلانـی پـائـنـدزئـی کُـٹـم ءَ اِنت ــ اے کُـٹـم چـَہ بـنـدات ءَ پـہ وتـی راج دوسـتـی ءَ زانـگ بـُوتـگ ـــ مـیـر نـسـیـر ھـان مدام چـَہ انـگـریـزاں وتـی پـت مـهـراب ھـان ءِ بـیـرءِ گـرگ ءِ ھـاتـرءَ چـہ دْرسـتـاں پـیـسـر ھـمـے کُـٹـم ءِ مُـردمـاں گـوانـک جـنـت ــ گل ھـان ءَ مـیـٹـرک گـورنـمـنـٹ سـنـڈیـمـن هـائـی اسـکـول شال (کـوئـٹہ) ءَ کُـت ءُ پـہ چکاسءَ لاھـور ءَ شُـت ــ بـلـے نـادْراهـی ءِ سـوب ءَ وتـی وانـگ ئِـے سـرجـم کُـت نـہ کُـت ءُ شال کـوئـٹـہ ءَ واتـر بُـوت.

1936 ءِ گـٍڈ سـری یـا 1937 ءِ گُڈ سـری روچـاں گـل ھـان ءِ سـور بُـوت ــ دو جـنـک بـوت اِت کـہ آهـانـی تـہ ءَ گــوھـــر مــــلــــک ءَ بـلـوچـی لـبـزانـک ءَ نـام کَـشّ اِت.

گـل ھـان بـلـوچـی ءِ مـسـتـریـں راجـی لچہ کار لـیـکـگ بـیـت ــ چـَہ پـنـچـمی کـلاس ءَ لچہ کاریءِ پِڑ ءَ ایر کپت ــ بـنـدات ءَ اردو ءَ لچہ کاری کُـت بـلـے وھـدے کـہ مـاراِتے کـہ وتـی دِل ءِ لـهـڑاں اردو ءَ درنـگـاز اِت ءُ زاهر کُت نـہ کـنـت تـہ بـلـوچـی ءَ شـَیـر گُـشـگ ئِـے بـنـدات کُـت.

وتـی اولـی بـلـوچـی لچہ 1942 ءَ پـر بـسـت ــ 1951 ءَ لچهانی اولـی دپـتـر ” گـلـبـانـگ ” چـاپ ءُ شـنـگ بُـوت. گـلـبـانـگ آ وھـدی بـــــلــــوچــــی ءِ اولـی لچهانی کـتـاب اَت کـہ چــــــــاپ نــــسـیــــــب بــــیـــت.

گـل ھـان ءِ لچہ کاری ءِ گـیـشـتـریـں بـھـر سـیـاسـی سـر ھـالانـی سـرءَ اَت ــ بـنـدات ءَ آئـی ءِ لچہ کاری ءِ سـر ءَ پـارسـی ءَ اردو ءِ اثـر سـک بـاز اَت بـلـے کـُھـنـیـں بـلـوچـی شـائـری ءِ وانـگ ءَ پـد آئـی ءَ وتـی زبـان ءُ بـیـان ذکـر کـنان کُـت اَنـت. مـزنـیـں لچہ کاری ءِ ھـمـراهـی ءَ گـل ھـان یـک شـّریـں دپـتـر نـویـس ءُ پــولـکـارے ھـم بـُوتـگ.

بـلـوچ ءُ بـلـوچـسـتـان ءِ تـاریـخ ءِ سـر ءَ آئـی ءِ کـتـاب ” تـاریـخ بـلـوچـسـتـان ” ؛ بـلـوچـسـتـان : جـدیـد و قـدیـم تـاریـخ کـی روشـنـی مـیـں ” ءُ ” بـلـوچـسـتـان کـی کـہـانـی شـاعروں کـی زبـانـی ” سـتـائـیـگ اِنـت. آئـی ءَ لانـگ ورتـھ ڈیـمـز ءِ کـتـاب The Baloch Race ءِ ” کــوچ بــــلـــوچ ” ءِ نـام رجـانـک ھـم کُـتـگ.

آئـی ءِ پـولـکـاری کـتـابـانـی تـہ ءَ ” داسـتـان دوسـتـیـن و شــیـریــن ” 1965 ” ھـمـل جـیـہـنـد ” 19654 ” بـلـوچـی رزمـیـہ شـائـری ” 1979 ” بـلـوچـی عـشـقـیـہ شـائـری” مـشـہـد نـا جـنـگ نـامـہ ” 1981 ءُ ” تـاریـخ خـوانـیـن کـلات ” 1982 ھـوار اِنـت.

بـلـے بـیـد چـہ لچہ کاری ءُ پـولـکاری ءَ گـل ھـان بـلـوچ راجـی سـیـاسـت ءِ تـہ ءَ ھـم یـک بـالاهـیـں بـسـتـارے ءِ واهـنـد اِنت. 1936 ءَ وھـدے ” انـجـمـن اسـلامـیـہ ریـاسـت کـلات” جـوڑ کـنـگ بـُوت تـا گـل ھـان ایـشـی ءِ کـار مـسـتـر نـامـیـنگ بُـوت ـــ چَـہ انـگـریـزانـی نـیـمـگ ءَ اے گَـل ءِ سـر ءَ بـنـدش ءَ رنـد مـیـر ابـدال ازیـز کُـرد ءِ سـروکـی ءَ 1937 ءَ ” کـلات سسـٹـیـٹ نـیـشـنـل پـارٹـی ” اڈ دیـگ بـوت ءُ مـیـر گل ھـان ایـشـی ءِ کَـمـک کـار مـسـتـر گـچـیـن کنگ بُـوت.

1956 ءَ وھـدے شـهـزادہ ابـدلـکـریـم چَـہ پـاکـسـتـان ءِ جـیـل ءَ درآتـک تـہ آئـی ءَ مـیـر گـل ھـان ءِ ھـمـراهـی ءَ ” اسـتـمـان گـل” اڈ دات ــ 1970 ءِ گـچـیـنـکـاریـاں آ چـہ نـیـشـنـل عـوامـی پـارٹـی ءَ ( نـیـپ) ءِ پـلـیـٹ فـارم ءَ چـاغـی ءِ اسـٹـیـٹ ءَ بـلـوچـسـتـان اسـمـبـلـی ءِ بـاسـک گـچـیـن بُـوت. 10 فـروری 1970 ءَ وھـدے نـیـپ ءِ سـر ءَ ذولـپـکـار بـھـٹـو ءِ سـرکـار ءَ بـنـدش جـت ءُ پـارٹـی ءِ گـیـشـتـریـں سـروک گـرگ ءُ بـنـد کـنـگ بـوت اَنـت تـا آهـانـی تـہ ءَ گـل ھـان ھـم ھـوار اَت. 9 جنـوری 1973 ءَ دزگـیـر کـنـگ بُـوت ءُ کـسـاس چـار سـال ءَ رنـد 1977ءَ وھـدے زیـا الـهـک ءَ بـھـٹـو ءِ سـرکـار لـیـٹـیـنـت تـہ ” نـیـپ” ءِ ایـدگـہ سـروکـانـی ھـمـراهـی ءَ گـل ھـان ھـم آزات کـنـگ بُـوت ـــ چَـہ بندی جاه ءَ در آھـگ ءَ رنـد اتـا الـلّـہ مـیـنـگـل ءُ گـوس بـکـش بـزنـجـو ءِ ھـمـراهـی ءَ نـیـشـنـل ڈیـمـبـو کـریـٹـک پـارٹـی ءَ ھـوار بـیـت. رنـد ءَ وت ءُ گـوس بـکـش بـزنـجـوءَ ” پـاکـسـتـان نـیـشـنـل پـارٹـی ” جـوڑ کـن اَنـت.

6 سـتـمـبـر 1983 ءَ کـراچـی ءَ بـــــیـــران بُـوت.

پولکار: ایـــــــن،الــــــپ بـلـوچ