زمین چنڈیے آتک ماں بَمپُشت ءَ
کُشت اِش مئے براتاں چہ پُشت ءَ
ماتانی دل زیمگ ماں گُشت ءَ
اَرس مئے رِچان انت گوں مُشت ءَ
جی هوزمین چندیے آتک ماں بَمپُشت
بیا اِت بئیں همچوپَگ
باراں بَریں هم کوپگ
راهاں کنیں همروپگ
کاران ءَ بنت هملوپگ
زمین چنڈیے آتک ماں بمپُشت ءَ
بازینے زَدگ ٹپیگ انت
چماں چہ تهااَرسیگ انت
آزمان چہ سَر ءَ پُرسیگ اِنت
ساه اِش سِّستگ ءُ آسیگ اَنت
جی هوزمین چنڈیے آتک ماں بَمپُشت ءَ
نیست اِش چہ وَت ساه ءُ نَپس
شاه اِش کُتگ چوں ماں کَپَس
بیا اِت بئیں دوستانی وَس
دَست اِش گِرات اُو دوست ءُ کَس
زمین چنڈیے آتک ماں بمپُشت ءَ
کُشت اِش مئے براتاں چہ پُشت ءَ
بےتاک ۶\۱۲\۹۹
#گروه_خبری_تحلیلی_رسانک
#اعتراضات_سراوان #اعتصابات_سراسری #سوختبر_نکشید #اتحاد #تپاکی #براتی #در_خانه_نمانیم
Be the first to comment